|
In ’t Beumerwald waor aafgelaupe zaoterdig de 14e gein kind op straot, die waore allemaol in ’t gemeinsjapshoes.
Loes en Ellen ginge dea middig op zeuk nao talent veur Beumerwald TV, en dat waor hun gans good gelukt, d’r waore hieël gét flitsende acts te zeën en te beloestere die de jeug van Basissjoal Hulsberg in knap ein weak tied gelieërd had.
Al dees talente laote dit allemaol zeen aan Prins Clint 1 en Prinses Britt, die vlak veur de pauze ein daverend applaus kreage , ze waore os geweldig jeugdprinsenpaar 2011. Als toegift trakteerden ze de Beumerwalderkes nog op ‘n eigengemaakt leedje, hieveur woare ze same mit hun families ’n echte opnamestudio ingedaoke. ’t Leedje bezong wat ze allemaol belaef hubbe de aafgelaupe vasteloavend, geweldig gedoan !!!
Gelukkig waord ’t sjnel pauze, want de nuuj heerser(s) zoate al te wachte om te veurschieën te kinne kaome.
De Voice of...in dit geval Beumerwald, bracht os de nuuje Jeugprins van 2012, Dean Willems.
Dean is inderdaad de zoan van Gilbert en Bianca Willems oet de Julianastraot, en braor van Demi dat indertieëd jeugprinses waor mit Luc Luijten.
Om in stijl te blieve zong ozze nuuje Prins Dean 1 live naodat ‘r woar oetgekaome, dat is supertalent toch??
Prins Dean 1 sjrief auch geschiedenis, want hea is de ieërjste Jeugprins zónger Jeugprinses, mér gelukkig is d’r ozze nar Guido dea ‘m hulp bie zien taake es jeugdprins van CV De Beumerwalders.
Dean kreag es baby es ieërsjte weurdje Alaaf gelierd en dus is ’t neet gek dat hea gear jeugprins waol weure. Bie h’m in de familie zint ’t allemoal prinse en prinsessen.
Verder is ’t ein sportief typke, dea vaol tieëd op de voetbalwei doorbringkt, mer van zinge en danse is
d’r auch niet vies.
Dean is al joare lid van de jeugroad, dus hea wit precies wat haom te doon steit.
Naodat Prins Dean 1 woar geïnstalleerd, gingen de optredens verder, en mocht hea geliek de nuuëdige medailles oetreike.
Aos vrunj, de Sjravelairkes oet Beaker Genhout waore dea middig auch van de partie, mér supersjiek waor uiteraard dat ozze Prins Eric 1 en Prinses Vianne van de graote Beumerwalders d’r bie kaostte zin .
Prins Dean 1 spraok z’n proclamtie oet, dus weite veer wat sjteit te gebeure.
Veur wunsje Jeugprins Dean 1 , Prins Eric en Prinses Vianne, en hun families ’n geweldige en onvergeatelike vasteloavend toe in os Beumerwald.
|
